Bilbao basque FEST 2025

Gozatu euskal kulturaz bost zentzumenekin Bilbao basque FESTen

Aste Santu honetan, ospatu euskal kulturaren aberastasun oparoa Bilbao basque FEST jaialdian! Apirilaren 16tik 19ra bitartean, hiriak jarduera ugari eskainiko ditu, gehienak doakoak, publiko guztiarentzat: kontzertuak, antzerkia, zinema, umorezko bakarrizketak, dantza tradizionalak, herri kirolak…

Bilbao basque FESTek bere ohiko sei gaien formatu arrakastatsuari eutsi dio: Gourmet, Kultura, Musika, Market, Zinema eta Sport. Eta bere programaziorik klasikoena mantendu du: itsasadarreko pasealdi originalak Begotxu eta Maitanerekin, «anfitrioien» ibilbide historikoak, familia-jardueren aukera dibertigarriak, kalejirak, dantza plazan eta DJen saioak. Herri Kirolek, Euskal Herriaren nortasunaren bereizgarri izanik, erakustaldi eta tailer ikusgarriak eskaintzen jarraituko dute, eta lehiaketa ofizialak ere egingo dira, Bizkaiko Orga Joko Txapelketa, adibidez.

Bilbao basque FESTen beste helburuetako bat da euskal gastronomia aparta eta bertako helmuga turistikoak sustatzea. Txoko Gourmetek, Areatzan, bere dastaketa eta tailer arrakastatsuen ateak irekiko ditu hainbat eskualderen eskutik. Horiek Km0 produktuen eskaintza goxoa hurbilduko diote publikoari.

2024ko edizioan euskarri berri bat estreinatu zen egitaraua zabaltzeko, jasangarriagoa eta gaur egungo joera digitaletara hobeto egokitua: QR kodea inprimatuta duen txapa bat, ekitaldiari buruzko informazio guztia eta jaialdiaren egunez eguneko agenda zuzenean eskuratu ahal izateko.

Jardueraz betetako agenda trinkoa duzu zain, emozioz, gastronomia bikainaz eta dibertsioz beteriko lau egunetan zehar. Bizi ezazu Bilbao basque FEST esperientzia!

Bilbao basque FEST 2025 jaialdiaren kartelak musikako ia formatu eta estilo guztiak hartzen ditu barne. Emakumeen ahotsetan jartzen du fokua, besteak beste, Nuria Culla, Clara Corral, Nerea Arrieta eta Itsaso Gutierrezen emanaldiekin. Jazza, folka, rocka, soinu tradizional eta garaikideak… Jaialdiak Korrontzi eta OrekaTx bezalako klasikoen alde apustu egin du, baina proposamen originalak ere igoko ditu eszenatokira, hala nola Alex Lopez buru duen Sensei Music Ensemble edo Amaia Barrenak eta Txitxok Berreginen Museoan emango duten kontzertu poetikoa.


Gozatu euskal kulturaz bost zentzumenekin Bilbao basque FESTen

Aste Santu honetan, ospatu euskal kulturaren aberastasun oparoa Bilbao basque FEST jaialdian! Apirilaren 16tik 19ra bitartean, hiriak jarduera ugari eskainiko ditu, gehienak doakoak, publiko guztiarentzat: kontzertuak, antzerkia, zinema, umorezko bakarrizketak, dantza tradizionalak, herri kirolak…

Deskargatu PROGRAMA

PRENTSA DOSSIERRA